Mampaiyokan samo sialek

https://plus.google.com/share?url=https://chrome.google.com/webstore/detail/cloud-transfer-save-web-f/hekbgfeicglkcbfhlajoocifcmemmcna?utm_source=plus

(mampaiyokan…ka yang lain)

(Sialek 1)Tuan Sutan… , sambah tibo ka Tuan.., adopun sambah jo titah nan ditibokan ka Tuan..nan bak kini hari . Samaso dihari nan cako. Lah barpamintaan karajo nan bapokok silang nan bapangka kapado inyiak mamak sagaji guru , manjadi parmintaan tu kini. Bulek sagiling pipia satapiak di karajo nan bapokok disilang nan bapangka . kok pandang jauah balayangkan , pandang ampia batukiakkan, ditantangan jamba nan katangah kumbuak  nan tabatua, kok jamba nan katangah  minta disantap, aia digaleh minta diminum kapado inyiak mamak sagaji guru, sarato alek nan bakarapatan ditangah rumah. Taranta buah panitahan kabakeh ambo, alah bajawab sakiro kiro .. maagak  nan kabarinyo..kolah nan bajapuikan sampaian ka bakeh Tuan…..sakianlah sambah tibo kabakeh tuan..

JAWABAN SIALEK TAMPEK BAIYO

(Sialek 2) lah sampai buah panitahan Tuan………., Adapun sambah jo titah diamba gadang  dihanjung tinggi nan cako sajo digumpali. Nan manjadi buah panitahan tuan Lah baparmintaan pulo karajo bapokok silang nan bapangka kapado niniak mamak sagaji guru. kok pandang jauah balayangkan , pandang ampia batukiakkan, ditantangan jamba nan katangah kumbuak  nan tabatua, kok jamba nan katangah  minta disantap, aia digaleh minta diminum kapado inyiak mamak sagaji guru, sarato alek nan bakarapatan ditangah rumah. Taranta buah panitahan kabakeh tuan alah bajawab sakiro kiro .. maagak  nan kabarinyo..kolah nan bajapuikan sampaian ka bakeh ambo…..kan baitu bana buah panitahan tuan..

Sapanjang buah panitahan tuan lah dalam adat lingka pusako.. Dek ado pulo nan manurut undang. Dek karano ambo duduak dihadapan inyiak mamak sagaji guru nan baduo batigo. Dijapuikan nan kabarinyo. Mananti tuan sakiro kiro.. laikoh dalam adat tuan?

( Jawaban Sialek 1  )

Lah sampai buah panitahan tuan… Adapun sambah jo titah diamba gadang  dihanjung tinggi nan cako sajo digumpali. Nan manjadi buah panitahan tuan dek karano tuan kamambao bakato baiyo bajalan bamuah..sipaik mananti malah ambo…

(Jawaban sialek. )

Ambo paiyokan.