Panitahan Kamakan Dalam System Komunikasi Adat Minangkabau Sumatera Barat Sebagai Bagian Pendidikan Tradisional Dalam Perspektif Perkembangan Islam di Sumatera Barat

Panitahan  Kamakan Dalam System Komunikasi Adat Minangkabau Sumatera Barat Sebagai Bagian Pendidikan Tradisional Dalam Perspektif Perkembangan  Islam di Sumatera Barat

Panitahan merupakan bahagian kecil acara seremonial dari adat Minang Kabau Sumatera Barat. Panitahan artinya musyawarah ,diskusi antara dua pihak yakni pihak tamu atau undangan pada satu pihak dan tuan rumah pada pihak lainnya. Panitahan biasanya merupakan kalimat-kalimat yang telah tersusun rapi dan dilahirkan dalam bentuk tutur-kata yang  diwariskan secara turun temurun dalam suatu kaum adat tertentu. Pada umumnya hal ini disampaikan pada acara makan bersama yang menghadirkan ninik mamak dari kedua belah pihak diatas.

Makan dan minum merupakan sebuah bahagian dari kehidupan naluri manusia dimuka bumi ini yang tidak akan pernah terlupakan bagi setiap manusia. Dibawah ini akan penulis nukilkan petikan pasambahan itu dalam bahasa asli Minangkabau tepatnya adat Kuray Bukittinggi antara Sutan Sampono sebagai tuan rumah dan Katib Endah Kayo sebagai wakil dari tamu suatu jamuan makan dirumah Sutan Sampono. Sutan Sampono dan Katib Endah Kayo  bukan nama yang ada sejak lahir akan tetapi suatu gelar yang disandang bagi setiap orang laki-laki yang menginjak dewasa atau sudah berkeluarga pada adat minang. Sutan artinya adalah Sultan sedangkan katib artinya orang yang ahli dalam agama atau bisa berceramah agama.

PASAMBAHAN KA MAKAN

Sipangka: Tuan Sutan Katib Endah Kayo, sambah tibo ka Tuan, adapun sambah jo titah nan ditibokan kabakeh Tuan.  Karano lah bakarapatan inyiak mamak sagaji guru ditangah rumah, bulek sagiliang pipia satapiak dikarajo nan bapokok silang nan bapangka, kok pandang jauah dilayangkan, pandang  hampia ditukiakkan, ditantangan jamba nan katangah kumbuak  nan tabatua, kok jamba nan katangah  minta disantap, aia digaleh minta diminum di inyiak mamak sagaji guru, sarato alek nan bakarapatan ditangah rumah. Sakian sambah nan ditibokan ka Tuan.

( Sipangka artinya adalah tuan rumah. Sambah tibo  artinya lontaran kata yang di sampaikan. Sambah jo titah artinya adalah untaian kalimat. Bakarapatan artinya telah hadir. Inyiak Mamak Sagaji Guru artinya : Tua adat serta para guru atau pemangku adat dan ulama )

Sialek: Lah sampai buah panitahan Tuan Sutan Sampono . Sambah tibo ka Tuan…. Adapun sambah jotitah , dihamba gadang  dihanjuang tinggi , nan cako sajo di gampali. Adapun buah panitahan Tuan, samaso dihari nan cako. “Karano lah bakarapatan inyiak mamak sagaji guru ditangah rumah, bulek sagiliang pipia satapiak dikarajo nan bapokok silang nan bapangka, kok pandang jauah dilayangkan ,pandang hampia ditukiakkan , ditantangan jamba nan katangah kumbuak  nan tabatua, kok jamba nan ka tangah  minta disantap, aia digaleh minta diminum di inyiak mamak sagaji guru, sarato alek nan bakarapatan ditangah rumah” kan baitu bana panitahan Tuan………. Kok pintak lah kabuliah kandak lai babari, lah didalam adat nan bapakai. Tapi sungguahpun lah dalam adat,kato surang dibulati kato basamo dipaiyokan, karano ambo duduak dihadapan inyiak mamak sagaji guru sarato alek nan bakarapatan ditangah rumah, kato dibao jo munfakat, dijapuikkan nan kabarinyo..Mananti Tuan………sakiro kiro. Lai koh dalam adat.

(Sipangka ) Lah sampai buah panitahan Tuan……….sambah tibo Tuan………. Adapun sambah jo titah diamba gadang  dihanjung tinggi nan cako sajo digumpali.adapun buah panitahan dari Tuan……… samaso hari nan cako  lah tahanta diambo kabekeh tuan ba tibo di tuan ka bapakaikan  manurut adat. Diadat bakato baiyo bajalan mamuah dihadapan inyiak mamak sagaji guru sarato alek nan bakarapatan ditangah rumah, kato dibao jo munfakat, dijapuikkan nan kabarinyo..Mananti Tuan……….” Kan baitu buah panitahan Tuan………, karano Tuan……… ka manjapuikkan kabarinyo ,  sifaik mananti hambo malah Tuan……….

(mampaiyokan…ka yang lain)  Tuan Sutan… , sambah tibo ka Tuan.., adopun sambah jo titah nan ditibokan ka Tuan.. Karano lah Tibo ulak dari nan pangka kabakeh ambo, ditantangan jamba nan katangah kumbuak  nan tabatua, kok jamba nan katangah  minta disantap, aia digaleh minta diminum di inyiak mamak sagaji guru, sarato alek nan bakarapatan ditangah rumah. Kok panitahan  sakiro kiro lah bajawab, tapi maagak  kabarinyo..ikolah nan bajapuikan ka Tuan…..

(Mamastikan jawaban tampek baiyo) (Sialek ) Tuan………. Kumbali sambah Tuan………, adopun sambah jo titah  nan ka dikumbalikan ka Tuan………, samaso dihari nan cako lah tahanta dek tuan panitahan ka bakeh  amb ba dituan .. lah dibao bakato baiyo, bajalan  bamuah kapado inyiak mamak sagaji guru sarato alek nan bakarapatan ditangah rumah. Dapeklah kato nan saiyo, kabulatan kato samunfakat, sapanjang parmintaan karajo nan ba pokok silang nan bapangka, pintak lai kabuliah kandak lai ka balaku, alah didalam adat,( limbak dari pado itu) Cancang nan duo sagaragai , kapa nan duo salabuhan ka ilia sarangkuah dayuang kamudiak satimbang galah .iyo nak basaratoan juo jo nan pangka. Kan itu bana panitahan tuan…? Ma Tuan….panitahan tuan lah dalam adat.. tapi sungguah pun lah dalam adat ado pulo manurut undang.. dek ujan bapuhun paneh barasa..Lah itu nan kadianta ka asanyo tuan…

Pasambahan dikumbalikan. (Sialek ) Tuan………. Kumbali sambah Tuan………, adopun sambah jo titah  nan ka dikumbalikan ka Tuan………, samaso dihari nan cako lah tahanta di Tuan………  panitahan kapado ambo,, di ambo lah dibao bakato baiyo, bajalan  bamuah kapado inyiak mamak sagaji guru sarato alek nan bakarapatan ditangah rumah. Dapeklah kato nan saiyo, kabulatan kato samunfakat, sapanjang parmintaan karajo nan ba pokok silang nan bapangka, pintak lai kabuliah kandak lai ka babari ,( limbak dari pado itu) Cancang nan duo sagaragai , kapa nan duo salabuhan ka ilia sarangkuah dayuang kamudiak satimbang galah .iyo nak basaratoan juo jo nan pangka Tuan………. Sakian sambah nan dikumbalikan ka Tuan……….

(nan pangka) lah sampai buah panitahan Tuan………., Adapun sambah jo titah diamba gadang  dihanjung tinggi nan cako sajo digumpali. Samaso nan cako lah lah taanta panitahan kabakeh tuan. Batibo dituan lah bapakai manurut adat sapanjang parmintaan karajo nan ba pokok silang nan bapangka, pintak lai kabuliah kandak lai ka balaku, alah didalam adat,( limbak dari pado itu) Cancang nan duo sagaragai , kapa nan duo salabuhan ka ilia sarangkuah dayuang kamudiak satimbang galah .iyo nak basaratoan juo jo nan pangka. Kan itu bana panitahan tuan…? Ma Tuan….panitahan tuan lah dalam adat.. tapi sungguah pun lah basanag hati. Bajalan lah sampai kabateh  balaia lah sampai kapulau. Tantang buah buah panitahan kito baduo lah patuik diparantian.

( Sialek) Dek tuan lah takiro diambo lah takana.

(Sipangka )  Jo Bismillah pamulai Tuan………

(sialek) alhamdulilah ka jawabnyo tuan.